Ymgynghoriadau

Ymgynghoriad Adroddiad Blynyddol y Cyfarwyddwr Gwasanaethau Cymdeithasol

Bob blwyddyn mae’n ofynnol i Gyfarwyddwr Corfforaethol Gwasanaethau Cymdeithasol a Llesiant gwblhau a chyhoeddi ei Adroddiad Blynyddol.

Mae’r adroddiad yn gwerthuso perfformiad yr awdurdod lleol mewn perthynas â chyflawni ei swyddogaethau gwasanaethau cymdeithasol dros y flwyddyn ddiwethaf.

Er mwyn ein helpu i werthuso ein gwasanaethau gofal cymdeithasol, rydym wedi llunio pedwar holiadur byr, ac rydym yn gofyn i drigolion gwblhau’r un sydd fwyaf perthnasol i’w sefyllfa nhw:

• Gofal Cymdeithasol i Oedolion - i unigolion 18+ oed sydd â phrofiad o ofal cymdeithasol i oedolion ym Mwrdeistref Sirol Pen-y-bont ar Ogwr.
• Plant a Phobl Ifanc -i blant a phobl ifanc rhwng 8 ac 17 oed sydd â phrofiad o ofal cymdeithasol i blant ym Mwrdeistref Sirol Pen-y-bont ar Ogwr.
• Gofalwyr - i ofalwyr di-dâl oedolion, plant neu bobl ifanc sydd â phrofiad o wasanaethau gofal cymdeithasol plant neu oedolion ym Mwrdeistref Sirol Pen-y-bont ar Ogwr.
• Rhieni - i rieni plant a phobl ifanc sydd â phrofiad o ofal cymdeithasol i blant ym Mwrdeistref Sirol Pen-y-bont ar Ogwr.

Ymgynghoriad Teithio gan Ddysgwyr

Diben yr ymgynghoriad hwn yw gwahodd barn a safbwyntiau ynglŷn â newidiadau posibl i drefniadau teithio disgyblion a myfyrwyr coleg a chanfod sut y bydd unrhyw newidiadau arfaethedig i’r Polisi Cludiant rhwng y Cartref ar Ysgol/Coleg yn effeithio arnoch chi a’ch teulu.

Mae Cyngor Bwrdeistref Sirol Pen-y-bont ar Ogwr yn wynebu pwysau digyffelyb ar ei gyllideb. Golyga hyn y bydd angen lleihau’r gyllideb yn fawr dros y pedair blynedd nesaf. Ymhellach, rhagwelir y bydd y cyngor wedi gorwario swm sy’n cyfateb i £1.157M ar gludiant rhwng y cartref a’r ysgol yn 2023-24. O gofio bod y polisi hwn ymhlith y polisïau mwyaf hael yng Nghymru o safbwynt darparu cludiant i ddysgwyr, mae Strategaeth Ariannol Tymor Canolig y Cyngor yn cynnig arbed £792k ar gyfer 2025-26.

Dyddiad cau: 3 Gorffennaf 2024