Ymgynghoriadau
Mae Cyngor Bwrdeistref Sirol Pen-y-bont ar Ogwr wedi ymrwymo i wrando ar farn trigolion ac ymateb iddi. Rydym am greu cyfleoedd i bobl leol gyfrannu at y broses o wneud penderfyniadau.
Rydym yn croesawu ymatebion yn Gymraeg. Mae pob ymgynghoriad ar gael yn Gymraeg drwy ddefnyddio’r botwm Cymraeg.Mae fformatau amgen hefyd ar gael ar gais.
Ymgynghoriadau cyfredol
Croesfannau i Gerddwyr ym Mryntirion
Mae Cyngor Bwrdeistref Pen-y-bont ar Ogwr am roi llwybr troed/beicio ar wahân ar waith ar hyd Merlin Crescent a phalmentydd wedi’u gostwng drwy Fryntirion i gyd.
Gwahoddir preswylwyr i ymuno â ni ar gyfer sesiwn ymgysylltu ar ddydd Llun 15fed Gorffennaf 2024, lle gallwch weld darluniau a chynlluniau, gofyn cwestiynau a darparu adborth. Bydd ein swyddogion yn bresennol ynghyd â chynghorwyr lleol a chymunedol.
Bydd y sesiwn hwn yn cael ei gynnal yn Ysgol Gyfun Bryntirion a gall preswylwyr alw heibio unrhyw bryd rhwng 4.30pm a 7pm er mwyn rhannu eu barn.
Strategaeth Ymgysylltu a Chyfranogiad
Datblygwyd ein Strategaeth Cyfranogiad ac Ymgysylltu i amlinellu'r camau y byddwn yn eu cymryd fel Cyngor i roi'r wybodaeth ddiweddaraf i bobl am ein gwasanaethau.
Gyda dewis eang o sianeli ar gael i ni, rydym am sicrhau ein bod yn cynnig y cyfle gorau i wrando ar, ac ymateb i farn pobl ac ymgysylltu â phob aelod o'n cymuned mewn perthynas â’r gwasanaethau yr ydym yn eu darparu ar gyfer pobl Bwrdeistref Sirol Pen-y-bont ar Ogwr.