Gwastraff masnachu a masnachol
Gwastraff a ddaw o’r canlynol yw gwastraff masnachu:
- safleoedd masnachu a busnes
- safleoedd ar gyfer chwaraeon, hamdden neu adloniant
Mae busnesau’n gallu defnyddio unrhyw gontractwr casglu gwastraff ag enw da i gael gwared ar eu gwastraff. Rydym ni’n cynnig gwasanaeth am gost i fusnesau ym Mwrdeistref Sirol Pen-y-bont ar Ogwr.
Mae gennym ni ystod o gynhwysyddion i helpu busnesau i storio eu gwastraff rhwng diwrnodau casglu, gan gynnwys:
- Biniau olwynion 360 litr
- Biniau olwynion 660 litr
- Biniau olwynion 1100 litr
- Sachau gwastraff masnach
Dewisir y cynhwysydd a gewch chi ar sail y gwastraff sy'n cael ei gynhyrchu a nifer diwrnodau casglu'r wythnos.
Ni chewch chi fynd â gwastraff masnachol i unrhyw un o’r canolfannau ailgylchu gwastraff aelwyd. Dim ond gwastraff aelwydydd y mae'r safleoedd hyn wedi'u trwyddedu i’w dderbyn.
I gael gwybod rhagor am ein gwasanaeth casglu gwastraff masnachol neu i drefnu gwasanaeth casglu ar gyfer eich busnes, cysylltwch â'r canlynol:
Dyletswydd gofal busnesau
Mae gan fusnesau rai cyfrifoldebau wrth gael gwared ar wastraff masnachol.
Nid yw casglu gwastraff ac ailgylchu o safle busnes yn cael ei gynnwys fel rhan o ardrethi busnes. Mae gan fusnesau gyfrifoldeb cyfreithiol am reoli'r holl wastraff a gynhyrchir gan y safle a rhaid gwaredu gwastraff yn ddiogel.
Cyflwynwyd y ddyletswydd gofal o dan adran 34 o Ddeddf Diogelu'r Amgylchedd 1990. Mae'n berthnasol i unrhyw fusnes sy'n cynhyrchu, yn cludo, yn storio neu’n gwaredu gwastraff. O dan y ddeddfwriaeth, rhaid i fusnesau:
- drefnu bod gwastraff yn cael ei waredu drwy sefydliad rheoli gwastraff awdurdodedig, er enghraifft cwmni cludo gwastraff cofrestredig neu gwmni casglu gwastraff trwyddedig
- atal gwastraff rhag dianc drwy ei storio'n ddiogel
Rhaid i'r busnes gadw gwaith papur priodol i ddangos ei fod yn cydymffurfio â hyn. Os na fydd yn gwneud hynny, gall fod yn atebol am ddirwy o £5000 mewn Llys Ynadon. Gall y busnes osgoi hyn drwy dalu Hysbysiad Cosb Benodedig (FPN) o £300.
Er mwyn osgoi dirwy, rhaid i'r busnes gadw copïau o’r canlynol:
- nodiadau trosglwyddo gwastraff, a/neu
- copi o drwydded cludydd gwastraff ei gwmni casglu gwastraff am o leiaf dwy flynedd
Rydym yn disgwyl i unrhyw fusnes rydym yn delio ag ef ddarparu tystiolaeth o chwe mis o ddogfennau.
Mae’r Hysbysiad Cosb Benodedig am gadw gwastraff yn anniogel yn £100.