Datrys problem gyda chynghorydd
Materion y mae cynghorwyr yn helpu gyda nhw
Caiff cynghorwyr eu hethol yn rhannol i ddatrys problemau dinasyddion. Maent yn:
- helpu trigolion sydd â phryderon neu ymholiadau
- parchu anghenion etholwyr
- pennu polisi’r cyngor, fel grŵp
Er enghraifft, gallent helpu i ddatrys problem yn ymwneud â thai neu drefnu arwydd stryd newydd.
Gwybod pa gynghorydd i gysylltu ag ef
Bydd cynghorydd eich ward yn ymdrin â’ch ymholiadau. Defnyddiwch ein blwch 'Dod o Hyd i Gynghorydd' i weld pwy yw eich cynghorydd, neu ffoniwch ein hadran Gwasanaethau Aelodau ar 01656 643 375.
Dod o hyd i fanylion cyswllt cynghorydd
Gellir cysylltu â chynghorwyr ar y ffôn, drwy lythyr, e-bost neu wyneb yn wyneb, a gallwch ddod o hyd i fanylion cyswllt cynghorydd yma. Mae rhai cynghorwyr yn cynnal cymorthfeydd ‘galw heibio’, fel arfer mewn adeiladau cymunedol.
Gallwch ffonio cynghorwyr gartref, hyd yn oed ar benwythnosau
Mae cynghorwyr yn gwybod y gellir cysylltu â nhw drwy gydol yr wythnos a phan fônt gartref. Gan eu bod yn brysur iawn, byddwch yn ymwybodol efallai weithiau na fyddent ar gael dros dro.
Y broses o gael cymorth gan gynghorydd
- Bydd cynghorwyr yn cyfeirio eich ymholiad at yr adran berthnasol.
- Yna bydd yr adran yn ymchwilio i’r mater, ac yn ymateb i’r cynghorydd.
- Ein nod cychwynnol yw ymchwilio ac ymateb i bob ymholiad o fewn deg diwrnod gwaith ar ôl eu derbyn. Eto, mae hyn yn dibynnu ar y math o broblem, a’r adnoddau sydd ar gael.
Cymorth cyfrinachol
Mae’n rhaid i gynghorwyr gadw materion yn gyfrinachol. Er y bydd yn rhaid iddynt gysylltu â swyddogion y cyngor i ddatrys y rhan fwyaf o ymholiadau, mae ein cyflogeion hefyd yn rhwymedig wrth gymal cyfrinachedd.