Accessibility links

Gwrandewch gyda Browsealoud
Dewis iaith
English

Teleofal Bridgelink

Mae hwn yn wasanaeth technoleg gynorthwyol sy’n helpu pobl i fod yn annibynnol yn eu cartrefi eu hunain.

Mae’n un o sawl gwasanaeth o’r fath sy’n allweddol ar gyfer hyn. Mae Teleofal Bridgelink yn cynnig sicrwydd o wybod y gall rhywun helpu 24 awr y dydd, 365 diwrnod y flwyddyn.

 

Sut mae Telecare yn gweithio

Mae Telecare yn defnyddio:

  • uned llinell fywyd
  • llinyn gwddf
  • a synwyryddion cymhleth eraill weithiau

Gall yr holl offer ganu larwm drwy gyfrwng galwad ffôn i aelod penodol o’r teulu, gofalwr, ffrind neu ein canolfan fonitro.

Gall ein canolfan fonitro helpu i drefnu cymorth gan ein Tîm Ymateb Symudol 24 awr neu’r gwasanaethau brys, yn ogystal ag unrhyw un sydd wedi’i restru fel cyswllt mewn argyfwng.

Ar yr amod nad oes arnynt angen cymorth meddygol, gall ein Tîm Ymateb Symudol helpu i godi rhywun oddi ar y llawr.

Hefyd, mae’r tîm yn darparu gofal personol ac yn sicrhau bod pobl yn cael eu gadael mor gyfforddus a diogel â phosib.

Diolgelwch eich hun rhag sgamiau

Mae sgam yn ymgais gan berson neu sefydliad i'ch camarwain chi i roi arian iddyn nhw drwy ddweud rhywbeth wrthych sydd ddim yn wir.

Rydym am warchod ein preswylwyr rhag pob math o sgam, felly mae gennym ychydig o wybodaeth a chyngor a fydd o gymorth i chi, gobeithio.

Cyngor ac arweiniad ar sgamiau

Pwy sy’n gallu cael eu hatgyfeirio

Gall unrhyw un ofyn am atgyfeiriad ar gyfer asesiad teleofal.

Mae’r gwasanaeth ar gyfer oedolion a phlant ym Mwrdeistref Sirol Pen-y-bont ar Ogwr. Hefyd, gall Teleofal helpu rhywun i gynnal ei rôl fel gofalwr teulu drwy gyfrwng galwr sy’n cysylltu’n uniongyrchol â’r gofalwr yn unig.

 

Asesiadau atgyfeirio

Mae holl becynnau offer Teleofal yn cael eu teilwra i anghenion unigolion, sy’n sicrhau ein bod yn cael y canlyniadau gorau.

Mae’r asesiadau’n penderfynu pa gefnogaeth all rhywun ei chael nawr a beth all fod o help yn y dyfodol. Wrth i anghenion newid, gellir addasu’r offer a’r pecyn teleofal.

Am fwy o wybodaeth am Teleofal Bridgelink neu atgyfeiriad am asesiad, cysylltwch â’r Pwynt Mynediad Cyffredin:

Ffôn: 01656 642279
Cyfnewid testun: 18001 01656 642279
Iaith Arwyddion
Cyfeiriad: Y Gyfarwyddiaeth Lles, Cyngor Bwrdeistref Sirol Pen-y-bont ar Ogwr, Y Swyddfeydd Dinesig, Stryd yr Angel, Pen-y-bont ar Ogwr, CF31 4WB.
Oriau agor:
8:30am i 17:00pm Llun i Iau
8:30am i 16:30pm Gwener

E-bost arall: crtfaxonly@bridgend.gov.uk

Ffacs: 01656 642300

SMS: 07581 157014 (ar gyfer cwsmeriaid byddar a thrwm y clyw)

Rhybudd i drigolion am Sgamiau

Mae sgam yn ymgais gan berson neu sefydliad i'ch camarwain chi i roi arian iddyn nhw drwy ddweud rhywbeth wrthych sydd ddim yn wir.

Rydym am warchod ein preswylwyr rhag pob math o sgam, felly mae gennym ychydig o wybodaeth a chyngor a fydd o gymorth i chi, gobeithio.

Byddwch yn ofalus...

  • Peidiwch â phrynu nwyddau na gwasanaethau na rhoi arian i unrhyw un sy'n galw heibio i chi ar hap gartref. Os ydych yn ansicr, peidiwch ag ateb eich drws. Gosodwch sticer 'Dim Galw ar Hap'.

  • Peidiwch byth â datgelu eich manylion personol na'ch manylion diogelwch megis eich rhif PIN neu gyfrinair bancio llawn.

  • Peidiwch â chymryd yn ganiataol bod neges e-bost, neges destun neu alwad ffôn yn ddilys. Byddwch yn ddrwgdybus! Peidiwch ag ymateb, rhowch y neges yn y bin, ei ddileu, neu roi'r ffôn i lawr.

  • Peidiwch â chael eich brysio - fydd dim gwahaniaeth gan sefydliad dilys aros ychydig.

  • Peidiwch â gwneud penderfyniadau sydyn. Gall sgamwyr fod yn gredadwy iawn - ac yn gyndyn o adael llonydd i chi.

  • Gwrandewch ar eich greddf - rydych chi'n gwybod os nad yw rhywbeth yn teimlo'n iawn. Cadwch reolaeth - peidiwch â mynd i banig a gneud penderfyniad y byddwch yn ei ddifaru

  • Byddwch yn wyliadwrus o unrhyw un sy'n gofyn am arian na fyddai'n gwneud hynny fel arfer, neu os yw eu cais yn un annisgwyl. Mae sgamwyr yn cymryd arnyn eu bod o sefydliadau swyddogol megis y swyddfa dreth, eich darparwr ffôn, a'r Heddlu. Ni fyddai cwmnïau cyfreithiol byth yn gofyn i chi am arian i wneud pryniant neu i hawlio gwobr.

  • Cysylltwch gyda'ch darparwr ffôn i weld a ydynt yn gallu cynnig unrhyw gyfleuster i atal galwadau diofyn (mae'n bosib y gall Safonau Masnach ddarparu unedau blocio galwadau mewn achosion cymwys).

  • Os oes gennych unrhyw amheuon – siaradwch â rhywun. Siaradwch â rhywun rydych chi'n ymddiried ynddynt megis ffrind neu gymydog i gael barn rhywun arall. Meddyliwch ddwywaith a gofynnwch am gyngor gan Linell Gymorth Defnyddwyr y Ganolfan Cyngor ar Bopeth ar 0808 223 1133

 

Pryd i alw'r heddlu

Cysylltwch â'r heddlu yn syth ar 101 os:

  • Yw'r Sgamiwr yn eich ardal.
  • Rydych wedi trosglwyddo arian i'r sgamiwr yn y 24
    awr diwethaf,

Os ydych yn teimlo dan fygythiad neu ddim yn ddiogel galwch 999 os gwelwch yn dda.

Chwilio A i Y