Cymunedau lleol i gael budd o gynllun grantiau'r cyngor
Poster information
Posted on: Dydd Iau 25 Ebrill 2024
Mae disgwyl i fwy o gymunedau lleol Pen-y-bont ar Ogwr elwa o gynllun Grant Cyfalaf Cyngor Tref a Chymuned y cyngor yn dilyn y rownd ddiweddaraf o geisiadau.
Yn dilyn cymeradwyaeth y Cabinet, mae prosiectau yn Coety, Bracla a Chwm Garw i gyd wedi derbyn arian i gefnogi ystod o fentrau sy'n alinio gyda blaenoriaethau corfforaethol y cyngor, agenda Sero-Net 2030 a'r Gronfa Trosglwyddo Asedau Cymunedol.
Mae'r ceisiadau llwyddiannus yn cynnwys gosod arwyneb newydd ym Mharc Chwarae Coety, cynllun plannu coed trefol o amgylch Bracla ac i ailffocysu Parc Calon Lan fel Hwb Menter Gwyrdd.
Cyn hyn, mae'r cynllun wedi cyfrannu cyllid tuag at amrywiol ddiweddariadau parc chwarae, gardd goedwig fwytadwy yn y Pîl a myrdd o brosiectau eraill ar hyd a lled y fwrdeistref sirol.
Rydym wedi bod yn gweithio mwy gyda Chynghorau Tref a Chymuned yn ystod y blynyddoedd diwethaf i feithrin diwylliant o weithio ar y cyd a chydnabod y rôl hynod bwysig y gallant ei chwarae wrth helpu i reoli a chynnal cyfleusterau a gwasanaethau a allai fel arall gael eu colli.
Bydd ail gymal o geisiadau yn agor yn ddiweddarach yn y flwyddyn ariannol felly gall hyd yn oed mwy fyth o brosiectau cymunedol gael budd o'r cyllid sy'n weddill ar gyfer 2024/25.
Mae swyddogion hefyd yn gweithio gyda Chynghorau Tref a Chymuned sydd wedi cael ceisiadau wedi'u gwrthod yn flaenorol er mwyn sicrhau y gall unrhyw geisiadau yn y dyfodol fod wedi eu halinio'n well gyda blaenoriaethau strategol y cyngor.
Dywedodd y Cynghorydd John Spanswick, Aelod Cabinet dros Newid yn yr Hinsawdd a’r Amgylchedd: