Ffair Cymorth Busnes yn dychwelyd i Fwrdeistref Sirol Pen-y-bont ar Ogwr

Gwahoddir busnesau ar draws Bwrdeistref Sirol Pen-y-bont ar Ogwr i fynychu Ffair Cymorth Busnes sy'n cael ei threfnu gan dîm Menter’r cyngor.

Bydd y digwyddiad rhad am ddim yn cael ei gynnal ddydd Iau 23 Mai, rhwng 4pm a 6pm yn y Neuadd Fowlio Dan Do, Stryd yr Angel, Pen-y-bont ar Ogwr, CF31 4AH. Mae'r digwyddiad galw heibio am ddim, wedi’i anelu at fusnesau newydd, a rhai sydd eisoes wedi sefydlu, gan roi arweiniad ar yr ystod eang o gefnogaeth sydd ar gael gan amrywiaeth o sefydliadau cymorth busnes, gan gynnwys:

• Cyngor Bwrdeistref Sirol Pen-y-bont ar Ogwr
• Busnes Cymru
• Adran Gwaith a Phensiynau
• Banc Datblygu Cymru
• Gyrfa Cymru
• Cyflogadwyedd Pen-y-bont ar Ogwr
• Cwmpas

a llawer mwy.

Bydd busnesau hefyd yn gallu dysgu am gyfleoedd ariannu, gan gynnwys grantiau sydd ar gael a chyfleoedd i rwydweithio gyda busnesau eraill o fewn y fwrdeistref sirol. Mae’r digwyddiad am ddim i bob busnes, ac nid oes angen cofrestru - y cyfan sydd yn rhaid ei wneud yw galw heibio ar y diwrnod.

Pleser llwyr yw cynnal ffair cymorth busnes arall ar gyfer busnesau ledled y fwrdeistref.

Bydd y digwyddiad yn llawn cyfleoedd gwych i fusnesau fanteisio ar gymorth gan y cyngor a thu hwnt, drwy gyllid a chynlluniau eraill.

Rwy’n gobeithio y bydd y digwyddiad o fudd i fusnesau ledled y fwrdeistref sirol, a’u bod yn gallu manteisio ar y cymorth sydd ei angen arnynt i ffynnu.

Cynghorydd Neelo Farr, yr Aelod Cabinet dros Ddiogelwch a Llesiant Cymunedol

Ariennir y prosiect hwn gan Lywodraeth y DU drwy Gronfa Ffyniant Gyffredin.

Am ragor o wybodaeth am y ffair cymorth busnes nesaf yma, anfonwch e-bost at business@bridgend.gov.uk.