Canolfannau Ailgylchu Cymunedol
Gallwch ailgylchu’r rhan fwyaf o’ch gwastraff yn ein canolfannau ailgylchu cymunedol.
Yr hyn y gallwch ei ailgylchu yn eich canolfan leol
Cyn i chi fynd i’ch canolfan ailgylchu gymunedol leol, cadarnhewch ein bod yn gallu derbyn eich gwastraff. Gallwn ailgylchu:
- batris (car neu’r cartref)
- beiciau
- bric-a-brac
- bylbiau
- caniau
- cardbord
- deunyddiau plastig
- eitemau trydanol ac electronig
- gwastraff gwyrdd/gwastraff gardd
- metel sgrap
- oergelloedd/rhewgelloedd
- olew coginio
- olew modur
- paent
- papur
- poteli a jariau gwydr
- pren
- pridd
- silindrau nwy
- tecstilau
Nodwch:
Trefnwch eich ailgylchu cyn dod i’r ganolfan ailgylchu gymunedol i osgoi oedi. Gallwch roi bagiau o wastraff y cartref yn y sgip gwastraff cyffredinol, ond ni fyddant yn cael eu derbyn os ydynt yn cynnwys unrhyw ddeunydd y gellir ei ailgylchu.
Derbynnir asbestos yng Nghanolfan Llandudwg gyda thrwydded dipio’n unig. Bydd ffi’n berthnasol.
Mae bwrdd plastr, rwbel, pridd a chraidd caled yn cael eu hystyried yn wastraff adeiladu. Mae’r rhain wedi’u cyfyngu i ddau fag gydag uchafswm pwysau o 17kg yr un. Ni chaniateir ail ymweliadau o fewn y 30 diwrnod calendr nesaf. Os oes gennych symiau mawr o’r rhain, bydd angen i chi archebu sgip neu logi cwmni gwaredu gwastraff. Ni dderbynnir gwastraff masnach.
Peidiwch â gadael gwastraff y tu allan i’r canolfannau ailgylchu cymunedol. Gallech gael eich erlyn am dipio anghyfreithlon.
Lleoliadau
Mae tair canolfan ailgylchu gymunedol ym Mwrdeistref Sirol Pen-y-bont ar Ogwr ar hyn o bryd. Mae’r rhain ym Mrynmenyn, Maesteg a Llandudwg.
Llandudwg
Cyfeiriad: Davies (Bros) Waste, Llandudwg, CF32 0NE.
Maesteg
Cyfeiriad: Ystâd Ddiwydiannol Heol Tŷ Gwyn, Maesteg, CF34 0BQ.
Bryncethin
Cyfeiriad: Ystâd Ddiwydiannol Brynmenyn, Brynmenyn, CF32 9SZ.
Oriau agor
Oriau agor yr haf (1 Ebrill hyd at 30 Medi)
- Dydd Llun hyd at Dydd Gwener: 8.30am hyd at 7pm
- Dydd Sadwrn a Dydd Sul: 8.30am hyd at 5pm
Oriau agor y gaeaf (1 Hydref hyd at 31 Mawrth)
- Dydd Llun hyd at Dydd Sul: 9am hyd at 4pm
Caiff gatiau eu cau ddeg munud cyn yr amseroedd cau. Bydd yr holl safleoedd ar gau ar Ddydd Nadolig, Gŵyl San Steffan a Dydd Calan.
Trwyddedau Tipio
Os yw eich cerbyd yn fan neu dryc picyp, rhaid ei gofrestru gyda thrwydded tipio cyn ymweld â chanolfannau ailgylchu cymunedol Tythegston neu Faesteg. Mae hyn yn ein helpu ni i reoli’r gwaredu ar wastraff heb ddod o dai.
Hefyd bydd rhaid i chi gael trwydded os oes gan eich cerbyd drelar sydd rhwng 5 troedfedd a 6 troedfedd 6 modfedd (1.5m i 2m). Ni chaiff cerbydau neu drelars olwynion hir mawr sy’n fwy na 6 throedfedd (2m) ddefnyddio’r canolfannau ailgylchu cymunedol.
Nid yw ceir, jîps na cherbydau MPV, na threlars llai na 5 troedfedd, angen trwyddedau.
Sylwer nad yw canolfan Brynmenyn yn caniatáu faniau na threlars.
Cael trwydded dipio
Gallwch gael trwyddedau tipio am ddim trwy ffonio 01656 643643 o leiaf 48 awr cyn eich bod eisiau dod i un o’r canolfannau.
Bydd angen i chi roi’r manylion canlynol:
- eich enw a’ch cyfeiriad
- rhestr o eitemau rydych am eu hailgylchu
- y dyddiad a’r ganolfan rydych am fynd iddi
- rhif cofrestru, gwneuthuriad a model eich cerbyd
Mewn rhai achosion gallai fod angen i ni edrych ar y gwastraff rydych am ei waredu cyn rhoi trwydded. Gellir gwneud hyn yn eich cartref.
Cyswllt
Ffôn:
01656 643643