Y Cyngor yn lansio ymgyrch buddion mynychu’r ysgol

Mae Cyngor Bwrdeistref Sirol Pen-y-bont ar Ogwr wedi lansio ymgyrch sy’n amlygu pwysigrwydd mynychu’r ysgol.

Gyda chefnogaeth ysgolion ledled y fwrdeistref sirol, mae’r ymgyrch yn amlygu pa mor bwysig yw hi i blant fynychu’r ysgol a dychwelyd i’r ystafell ddosbarth yn dilyn problemau pandemig COVID-19. Mae’n canolbwyntio ar fuddion mynd i’r ysgol y tu hwnt i addysg yn unig, gan ddarparu cefnogaeth ac adnoddau i rieni’r plant sy’n ei chael hi’n anodd mynychu’r ysgol.

Mae’n hanfodol bwysig bod plant ledled Bwrdeistref Sirol Pen-y-bont ar Ogwr yn mynychu’r ysgol ar bob cyfle. Er enghraifft, gyda chyfradd bresenoldeb o 90 y cant yn ystod un flwyddyn ysgol, gallai disgybl golli dros 100 o wersi.

Nid oes gan rieni a gofalwyr disgyblion ysgol yr hawl i dynnu ysgolion o’r ysgol yn ystod y tymor ac mae’n rhaid i unrhyw gais am absenoldeb gael ei gymeradwyo gan benaethiaid cyn y cyfnod hwnnw o absenoldeb.

Wedi cyfnod anodd o ddwy flynedd, mae’n eithriadol o bwysig sicrhau bod disgyblion yn mynychu’r ysgol yn rheolaidd. Gall mynychu’r ysgol roi’r cyfle gorau i blant allu llwyddo yn ddiweddarach yn eu bywydau.

Mae llwyddo mewn addysg yn bwysig, ond mae amryw o fuddion eraill hefyd wrth i ddisgyblion gael eu haddysgu. Gwyddom y bydd rhai disgyblion yn wynebu heriau wrth geisio mynychu’r ysgol yn rheolaidd, a hoffem sicrhau rhieni a disgyblion bod cymorth ar gael iddynt.

Os yw’ch plentyn yn ei chael hi’n anodd mynychu’r ysgol, cysylltwch â’ch ysgol i gael cymorth a chyngor.

Y Cynghorydd Jon-Paul Blundell, yr Aelod Cabinet dros Addysg

I gael rhagor o wybodaeth am yr ymgyrch, ewch i dudalen we presenoldeb yn yr ysgol ar wefan y cyngor.