Gwahoddiad i drigolion lleol fynychu digwyddiad cyngor ynghylch ‘Costau Byw’

Estynnir gwahoddiad i drigolion yng nghyffiniau Bwrdeistref Sirol Pen-y-bont ar Ogwr fynychu digwyddiad ‘costau byw’ AM DDIM fydd yn cynnig cefnogaeth a chyngor i bobl o bob cwr o’r fwrdeistref sirol.

Cynhelir y digwyddiad ddydd Mawrth 17 Mai rhwng 3pm a 6pm yng Nghanolfan Richard Price yn Llangeinor.

Bydd digon o gyngor wrth law a fydd yn rhoi amrywiaeth o wahanol fathau o gymorth i drigolion lleol megis:

• Cymorth gyda biliau
• Cyngor defnyddiol ar y bargeinion ynni gorau
• Awgrymiadau ar sut i arbed arian ar gyfer bwyd
• Cyngor ar wneud cais am fudd-daliadau ychwanegol

Bydd y fenter eang hon yn cynnwys amrywiaeth o sefydliadau allweddol yn gweithio mewn partneriaeth â thîm Cyflogadwyedd Pen-y-bont ar Ogwr y cyngor megis Cyngor ar Bopeth, Cymoedd i’r Arfordir, Power Up, Canolfan Ofalwyr Pen-y-bont ar Ogwr, Pobl, Baobab Bach, gan alluogi trigolion i gael yr union fath o gymorth sydd ei angen arnynt.  

Mae’r digwyddiad yn ail bwysleisio ymrwymiad y cyngor i sicrhau y gall trigolion lleol gael y cymorth sydd ei angen arnynt gyda’r cynnydd mewn costau byw.

Mae’r amrywiaeth o sefydliadau sy’n mynychu’r digwyddiad yn dangos bod awydd gwirioneddol i gynorthwyo trigolion ledled Pen-y-bont ar Ogwr. Gall y digwyddiad hwn wneud gwahaniaeth sylweddol i’n holl gymunedau lleol, a byddwn yn annog unrhyw un sydd â phryderon i ddod draw i’r digwyddiad hwn am gyngor.

Rydym yn sylweddoli y bydd cynnydd costau byw pawb yn amrywio a gyda’r cyngor yn ymdrin â sawl maes gobeithiwn y bydd hyn yn cael effaith gwirioneddol bositif ar y fwrdeistref gyfan.

Janine Nightingale, Cyfarwyddwr Corfforaethol Cymunedau