Buddsoddiad y Cyngor yn sicrhau bod mannau chwarae’n gynhwysol i blant lleol

Mae pedwar o fannau chwarae i blant yn y fwrdeistref sirol wedi cael budd o offer chwarae newydd neu atgyweirio cyfleusterau presennol fel rhan o fuddsoddiad gwerth £500k.

Mae’r holl waith adnewyddu’n cynnwys offer newydd, cynhwysol, sy’n caniatáu i bob plentyn fod yn actif, gan gynnwys y rheiny a chanddynt anghenion addysgol arbennig ac anableddau (AAAA).             

Mae’r mannau chwarae sydd wedi cael budd o’r gwaith adnewyddu diweddaraf yn cynnwys:

• Stryd Adare, Bro Ogwr  
• Heol y Goedwig, Porthcawl
• Man Chwarae Stryd Newydd, Stryd y Dderwen, Abercynffig
• Man Chwarae Swyddfa Bost Tondu, Heol Maesteg, Tondu

Gosodwyd cylchfannau cynhwysol ym mannau chwarae Stryd Newydd a Swyddfa Bost Tondu, a gosodwyd uned ar ffurf mynydd chwarae amlweithgaredd yn Heol y Goedwig, Porthcawl. Mae’r holl gyfleusterau’n addas i ddefnyddwyr cadeiriau olwyn.

Rydym yn credu y dylai bob plentyn gael mynediad cyfartal i’r cyfleoedd chwarae gorau. Pan fydd gweithgareddau newydd yn cael eu gosod mewn meysydd chwarae lleol, mae’r cyngor wedi ymrwymo i ddarparu offer cynhwysol.

Mae’n wych gweld offer newydd yn cael ei gyflwyno mewn meysydd chwarae sy’n hwyl i bob plentyn eu defnyddio, nid dim ond plant nad ydynt yn anabl.

Mae’r meysydd chwarae hyn nid yn unig yn cynnig digonedd o weithgareddau chwarae hwyliog, ond hefyd yn her i blant anabl, a rhai nad ydynt yn anabl, fel ei gilydd. Mae’r dyluniadau llawn dychymyg yn golygu y gall plant o bob gallu ddatblygu, chwilota a chanfod terfynau eu gallu mewn modd cyffrous a difyr.

Dywedodd y Cynghorydd John Spanswick, yr Aelod Cabinet dros Gymunedau:

Ewch i'n gwefan i gael gwybod mwy am feysydd chwarae yn eich cymuned.