Gwarchodfa Natur Leol Frog Pond Wood
Mae Frog Pond Wood yn em gudd. Mae’n grêt ar gyfer teithiau cerdded byr a byddwch yn teimlo eich bod yng nghalon cefn gwlad Cymru er bod stad ddiwydiannol tu cefn i chi.
Mae’r coed yn goetir derw/ynn cymysg yn bennaf, gyda phwll a rhywfaint o ardaloedd o dir gwlyb.
Mae parcio am ddim cyfyngedig yng Nghanolfan Fenter y Pîl a maes parcio cyhoeddus tu ôl i’r feddygfa ar Stryd y Bont ym Mynydd Cynffig.
Rhywogaethau o blanhigion: Ynn, llafnlys mawr, rhedyn tafod yr hydd, cyll a derw digoes.
Rhywogaethau o anifeiliaid: Picellwr praff, broga, mursen, gwas y neidr, titw mawr, iâr ddŵr, telor y cnau, ystlum lleiaf a llygoden y coed.
Sculpture Trail
Ceidwad y Pwll
The 'Keeper of the Pond' is one of our ‘Nature Keeper’ oak sculptures. Maent yn ychwanegu diddordeb at ein llecynnau harddwch a gyda’r cerddi sy’n cyd-fynd, maent yn dal dychymyg yr ymwelwyr iau drwy ryngblethu mytholeg yn y safleoedd.
Y nod yw tanio cyswllt emosiynol â’n gofod gwyrdd ni, ac felly annog pobl i ymweld, yn ogystal â gofalu mwy amdanynt. Mae pump o’r cerfluniau ym Mharc Gwledig Bryngarw ac mae 10 mewn mannau eraill ym Mwrdeistref Sirol Pen-y-bont ar Ogwr.
Hanes lleol
Mae gan y goedwig gysylltiad rhyfeddol â’n gorffennol diwydiannol. Cadwch lygad am y llwybr hir syth ar hyd ymyl ddwyreiniol y warchodfa, a arferai fod yn llwybr tram ceffylau ar un adeg. Agorodd y dramffordd, sy’n cael ei hadnabod fel Rheilffordd Dyffryn Llynfi a Phorthcawl, yn 1828 fel ffordd i dram ceffylau. Roedd yn cludo haearn a glo Dyffryn Llynfi i’r arfordir. Roedd y doc newydd a agorodd ar yr un pryd ym Mhorthcawl yn rhan greiddiol o’r system drafnidiaeth newydd.
Yn y 1860au, daeth rheilffordd stêm i gymryd lle’r tram. Gallwch ddilyn hen ffordd y tram sydd wedi cael ei hailddatblygu yn llwybr hardd, addas i deuluoedd. Cadwch lygad am godau QR mewn safleoedd ar hyd y llwybr, a fydd yn dod â stori’r rheilffordd yn fyw.
Gwirfoddoli neu drefnu trip ysgol yma
Os ydych chi eisiau cefnogi’r safle yma, trefnu ymweliad addysgol, neu wirfoddoli yng nghefn gwlad yn gyffredinol, cysylltwch â ni: