Rhyddhad Ardrethi Manwerthu, Hamdden a Lletygarwch yng Nghymru
Mae Llywodraeth Cymru wedi cyhoeddi estyniad dros dro i’r Cynllun Rhyddhad Ardrethi Manwerthu, Hamdden a Lletygarwch ar gyfer 2024-25 i gefnogi eiddo preswyl cymwys drwy gynnig gostyngiad o 40% ar filiau ardrethi annomestig ar gyfer eiddo o’r fath yn y sector manwerthu, hamdden a lletygarwch.
Bydd y cynllun yn berthnasol i bob busnes cymwys; fodd bynnag, bydd y rhyddhad yn amodol ar gap ar y swm y gall pob busnes ei hawlio ledled Cymru. Cyfanswm y rhyddhad sydd ar gael yw £110,000 ar draws yr holl eiddo a feddiannir gan yr un busnes. Bydd angen i fusnesau hefyd ddatgan na fyddant yn derbyn cyfanswm o fwy na £315,000 o Gymorth Ariannol Lleiaf (MFA) dros dair blynedd (blynyddoedd ariannol 2022-23 i 2024-25 yn gynwysedig).
Felly, mae’n ofynnol i bob busnes wneud datganiad nad yw swm y rhyddhad y maent yn ei geisio ledled Cymru yn fwy na’r cap o £110,000 na’r MFA o £315,000. Felly, bydd angen iddynt lenwi'r ffurflen gais uchod.