Gwasanaeth Maethu Resolutions
Mae Gwasanaeth Maethu Resolutions yn bartneriaeth rhwng pedwar awdurdod lleol, sef Pen-y-bont ar Ogwr, Caerffili, Merthyr Tudful a Bro Morgannwg. Mae Reolutions yn cynnig lleoliadau ar gyfer pobl ifanc rhwng 10 a 17 oed y mae’u hymddygiad yn heriol.
Nod Resolutions yw darparu lleoliadau maethu o ansawdd uchel gyda chymorth da, sy’n arwain at ddeilliannau llwyddiannus i bobl ifanc. Credwn ein bod yn cynnig pecyn cynhwysfawr a deniadol o gymorth i’n gofalwyr a’r bobl ifanc y maent yn gofalu amdanynt.
Pwy all faethu?
Gall gofalwyr maeth fod yn bobl sengl, yn bobl briod neu’n bobl sy’n byw gyda phartner, a gallant fod yn bobl heb eu plant eu hunain neu’n bobl a chanddynt eu plant eu hunain; a’r rheiny’n byw gartref neu wedi tyfu a gadael y nyth. Daw gofalwyr o bob math o gefnir ethnig, crefyddol a diwylliannol. Mae Resolutions yn croesawu gofalwyr o sawl math o gefndir gwahanol i ddiwallu anghenion amrywiol y bobl ifanc y maent yn gofalu amdanynt.
Beth yw’r gofynion ar gyfer dod yn ofalwr maeth?
Dyma rai o’r rhinweddau pwysig:
|
y gallu i ddeall ac ymgysylltu â phobl ifanc |
|
y sgiliau i drafod telerau, cyfaddawdu a gweithio fel rhan o dîm |
|
yr hyder i bennu ffiniau cadarn, ond rhesymol |
|
y gallu i helpu’r person ifanc i ddatblygu ei hunan-fri |
I fod yn ofalwr maeth gyda Resolutions bydd angen i chi:
|
fod ag ystafell wely sbâr |
|
bod ar gael yn ystod y dydd |
|
bod yn frwdfrydig, yn realistig ac yn rhywun sy’n peidio â barnu |
Nid yw maethu’n debyg i unrhyw swydd arall. Mae’n cynnwys yr holl deulu ac yn digwydd yng nghartref y gofalwr maeth ei hun. Mae’n her fawr ac yn gofyn llawer a gall hefyd roi llawer o foddhad. Mae gofalwyr yn gweithio gydag amryw asiantaethau i sicrhau bod anghenion y person ifanc o ran iechyd, addysg a lles cymdeithasol yn cael eu diwallu.
Pa gymorth ydych chi’n ei dderbyn fel gofalwr maeth?
Mae Resolutions yn rhoi blaenoriaeth uchel i gymorth ar gyfer gofalwyr ac mae’n rhoi cymorth a hyfforddiant i helpu i gwrdd â her gofalu am rywun yn ei arddegau. Mae hyn yn cynnwys:
|
gweithiwr cymdeithasol goruchwyliol penodol |
|
goruchwyliaeth a chymorth yn rheolaidd gan eich gweithiwr cymdeithasol goruchwyliol |
|
grŵp cymorth i ofalwyr sy’n cwrdd bob 6 wythnos |
|
aelodaeth unigol o’r Rhwydwaith Maethu |
|
mynediad at gymorth 24-awr trwy dimau argyfwng pwrpasol |
|
cyfleoedd hyfforddi cynhwysfawr gan gynnwys QCF Lefel 3 |
Yn ychwanegol, mae gofalwyr Resolutions yn derbyn:
|
pecyn ariannol hael |
|
28 diwrnod o wyliau’r flwyddyn |
|
hyd at 14 diwrnod o ‘seibiant’ y flwyddyn |
|
lwfans gwyliau blynyddol i bob person ifanc |
|
lwfans Nadolig/gwyliau crefyddol blynyddol i bob person ifanc |
|
lwfans pen-blwydd i bob person ifanc |
Lwfansau maethu
Ffi |
£224.53 fesul wythnos, fesul plentyn |
Lwfans y plentyn |
£170.70 Fesul wythnos, fesul plentyn |
Pen-blwydd |
£170.70 Fesul plentyn a leolir |
Nadolig |
£170.70 Fesul plentyn a leolir |
Gwyliau |
£341.40 Fesul plentyn a leolir |
Os ydych chi’n credu eich bod yn meddu ar y sgiliau sy’n angenrheidiol i wneud gwahaniaeth i fywydau pobl ifanc, yna cysylltwch â ni os gwelwch yn dda.
Os hoffech gael mwy o wybodaeth, cysylltwch â Resolutions ar 0800 5877087 (rhadffôn) neu 01656 815494.
- Last Updated: 30/04/2012
- Rate this page
- Back to top
