Cynllun Gweithredu Teuluoedd Yn Gyntaf
Rhaglen genedlaethol 5 mlynedd yw ‘Teuluoedd yn Gyntaf’, a ddatblygwyd fel ymateb allweddol i Strategaeth Tlodi Plant Llywodraeth Cymru. Rhaglen arloesi yw Teuluoedd yn Gyntaf sy’n hybu datblygiad systemau a chymorth amlasiantaethol effeithiol mewn ardaloedd awdurdodau lleol, gyda phwyslais eglur ar wasanaethau ataliol ac ymyrraeth gynnar ar gyfer teuluoedd, yn enwedig y rhai hynny sy’n byw mewn tlodi neu sydd mewn perygl o dlodi.
Mae’r egwyddor o ddatblygu a gweithredu dull integredig o weithio yn rhan annatod o’r Rhaglen Teuluoedd yn Gyntaf. Bydd y Rhaglen yn cael ei rhoi ar waith yn lleol trwy Gynllun Gweithredu Teuluoedd yn Gyntaf Pen-y-bont ar Ogwr, y gellir ei weld trwy’r ddolen isod.
Ymgyunghoriadau cyfredol
- Cynllun Pant a Phobl Ifanc Sir Pen-y-bont 2011 - 2014
- Cynllun Plant a Phobl Ifanc Sir Pen-y-bont 2011-14 Drafft
Dogfen ymgynghori Cyfnod ymgynghori Tachwedd 1 2010 – Ion 31 2011 - Cynllun Plant a Phobl Ifanc Sir Pen-y-bont 2011-14 Crynodeb Drafft
Dogfen ymgynghori Cyfnod ymgynghori Tachwedd 1 2010 – Ion 31 2011
Cynllun Plant a Phobl Ifanc 2008-11
Mae’r Cynllun Plant a Phobl Ifanc 2008-11 wedi cael ei gynhyrchu. Gallwch weld crynodeb o’r cynllun gan ddefnyddio’r ddolen ganlynol.
Mae’r crynodeb yn disgrifio ein blaenoriaethau ac yn amlinellu ein syniadau a’n cynigion i sicrhau bod yr holl blant a phobl ifanc yn cael pob cyfle i ffynnu a llwyddo ym Mwrdeistref Sirol Pen-y-bont ar Ogwr.
- Lawrlwytho crynodeb o’r Cynllun Plant a Phobl Ifanc 2008-11
- Bydd fersiwn Gymraeg ar gael yn fuan.
Partneriaeth Plant a Phobl Ifanc Pen-y-bont ar Ogwr
Mae Partneriaeth Plant a Phobl Ifanc Pen-y-bont ar Ogwr yn fenter gan Lywodraeth Cynulliad Cymru sy’n darparu cyd-destun ar gyfer cynllunio a chyflenwi gwasanaethau i blant a phobl ifanc 0 -19 mlwydd oed, ynghyd â rhai sy’n gadael gofal hyd at 21 mlwydd oed (neu’n uwch os ydynt yn parhau mewn addysg neu hyfforddiant) a’r rheiny sy’n derbyn gwasanaethau cymorth ieuenctid (sy’n cyfateb i’r ystyr yn Adran 123 Deddf Dysgu a Sgiliau 2000) hyd at 25 mlwydd oed. Mae’r Bartneriaeth yn gweithio’n unol â’r saith nod craidd, sef y dylai’r holl blant a phobl ifanc gael pob cyfle i wneud y canlynol:
|
dechrau’n deg mewn bywyd | ||
hynny yw | |||
cael eu geni’n iach i deulu cadarn a chefnogol | |||
|
cael mynediad at gyfleoedd addysg priodol | ||
hynny yw | |||
gallu gwireddu eu potensial fel dysgwyr | |||
|
bod yn iach ac yn rhydd rhag cael eu hecsbloetio | ||
hynny yw | |||
bod yn unigolion iach a diogel, sy’n rhydd rhag cael eu hecsbloetio gan bobl eraill | |||
|
cael mynediad at weithgareddau chwarae, hamdden, chwaraeon a diwylliannol | ||
hynny yw | |||
gallu cymryd rhan mewn gweithgareddau, ni waeth beth fo’u sgiliau a’u gallu | |||
|
cael gwrandawiad a chael eu trin â pharch | ||
hynny yw | |||
gallu cael llais ymhob penderfyniad sy’n effeithio arnynt, a deall eu hawliau a’u cyfrifoldebau | |||
|
byw mewn cartref a chymuned sy’n ddiogel | ||
hynny yw | |||
bod yn ddiogel a chael cefnogaeth emosiynol dda o fewn eu cartref a’u cymuned leol | |||
|
peidio â dioddef anfantais oherwydd tlodi | ||
hynny yw | |||
ffynnu a dod yn bobl hyderus a gofalgar, ni waeth beth fo incwm eu teulu | |||
Yn 2005 fe gyhoeddodd Llywodraeth Cynulliad Cymru ei Harweiniad (i Ddeddf Plant 2004), ‘Hawliau ar Waith’ a oedd yn nodi’r hyn yr oedd Partneriaethau ledled Cymru wedi’i gyflawni ac yn amlinellu dull cenedlaethol o ddatblygu polisi, gwella gwasanaethau a dangos y gwahaniaeth sy’n cael ei wneud i fywydau plant a phobl ifanc.
Mae’n ofynnol i Bartneriaethau Plant a Phobl Ifanc baratoi’r cynllun sengl Plant a Phobl Ifanc cyntaf gan nodi eu blaenoriaethau ar gyfer 2008 – 2011.
Mae ymgynghoriad statudol yn cael ei gynnal ar hyn o bryd mewn perthynas â’r cynllun hwn. Mae’r Bartneriaeth yn awyddus i glywed gan bawb ym Mhen-y-bont ar Ogwr, ac yn enwedig gan blant, pobl ifanc, rhieni a gofalwyr. I’ch helpu gyda’ch sylwadau ceir ffurflenni adborth ymgynghori ar dudalennau 21 – 23 o Gynllun Drafft Plant a Phobl Ifanc Pen-y-bont ar Ogwr 2008-11.
Gellir lawrlwytho’r cynllun ar ffurf ffeil PDF ar ben y dudalen hon.
Neu anfonwch eich sylwadau trwy’r post i: Rhadbost Cynllun Sengl y Bartneriaeth Plant a Phobl Ifanc 3ydd Llawr Tŷ Derwen Heol y Llys Pen-y-bont ar Ogwr CF31 1BN Neu drwy ffacs i 01656 750736 Neu drwy’r e-bost i cypplan@bridgend.gov.uk |
|
Mwy am y Bartneriaeth Plant a Phobl Ifanc Bu i Ddeddf Plant 2004 hefyd wneud y Bartneriaeth yn gorff statudol gan nodi pwy y mae angen eu cynnwys fel aelodau. Mae aelodau’r Bartneriaeth yn cynnwys: Cyngor Bwrdeistref Sirol Pen-y-bont ar Ogwr (Aelodau a Swyddogion) Bwrdd Iechyd Lleol Pen-y-bont ar Ogwr (Aelodau a Swyddogion) Ymddiriedolaeth GIG Prifysgol Abertawe Bro Morgannwg (Aelodau a Swyddogion) Y Tîm Troseddau Ieuenctid Heddlu De Cymru Cymdeithas Mudiadau Gwirfoddol Pen-y-bont ar Ogwr Mae’r Bartneriaeth Plant a Phobl Ifanc yn cydweithio’n agos gyda Phartneriaethau eraill, a chaiff ei monitro gan y Bwrdd Gwasanaethau Lleol, fel a ddangosir isod. | |
| |
- Last Updated: 13/04/2012
- Rate this page
- Back to top
