Ymuno â'r Llyfrgell
Cysylltiadau Lleol:Lawrlwytho Ffurflen Gais (pdf) |
NI chodir tâl am ddefnyddio'r llyfrgell, benthyg llyfrau na defnyddio cyfleusterau cyfrifiadurol.
Mae ymuno yn hawdd - y cwbl y mae angen ei wneud yw llenwi'r ffurflen ar-lein a gallwch ddechrau mwynhau manteision aelodaeth ar unwaith. Byddwch yn gallu trefnu i lyfrau gael eu rhoi ar gadw trwy ein catalog ar-lein a chael mynediad at ystod o gronfeydd data defnyddiol sy'n rhad ac am ddim. Wedyn gallwch gasglu eich cerdyn llyfrgell newydd yn eich llyfrgell leol - y cwbl y mae angen i chi ei wneud yw dod ag un math o dystiolaeth i ddangos pwy ydych chi (megis trwydded yrru, pasbort, llyfr rhent neu fil gan gwmni cyfleustodau). Os ydych yn iau na 16 bydd angen i chi gael llofnod rhiant neu ofalwr.
Neu gallwch lawrlwytho, argraffu a llenwi ffurflen gais a mynd â hi i'ch llyfrgell leol.
Os ydych am ddefnyddio'r rhyngrwyd bydd yn rhaid i chi hefyd arwyddo ein polisi defnydd derbyniol. Os ydych yn iau na 16 byddwch angen llofnod rhiant neu ofalwr.
Eich cerdyn aelodaeth
Unwaith y caiff eich cais ei dderbyn fe gewch gerdyn aelodaeth sy'n gadael i chi fenthyg hyd at 10 eitem ac, os byddwch angen hynny, defnyddio cyfleusterau cyfrifiadurol.
Ar eich cerdyn bydd eich rhif aelodaeth unigryw eich hun ac ni ellir ei drosglwyddo i unrhyw berson arall. Chi sy'n gyfrifol am unrhyw lyfrau sydd wedi eu benthyg arno. Dewch â'ch cerdyn gyda chi bob tro y byddwch yn ymweld â'r llyfrgell os gwelwch yn dda. Edrychwch ar ôl eich cerdyn. Os byddwch yn ei golli, dywedwch wrth y llyfrgellydd ar unwaith fel y gallwn atal rhywun arall rhag ei ddefnyddio. Codir tâl bychan am gerdyn newydd (am ddim i ddarllenwyr iau).
- Last Updated: 05/04/2012
- Rate this page
- Back to top
