Cyngor Bwrdeistref Sirol Pen-y-bont ar Ogwr

Lawrlwythwch eLyfrau i'ch PC am ddim!

Os ydych yn aelod o Lyfrgelloedd Pen-y-bont ar Ogwr, gallwch fenthyg eLyfrau heb symud o'ch cartref gan ddefnyddio ein gwasanaeth newydd - 'eLyfrau i Gymru'.
Mae nifer o lyfrau ar gael: llyfrau poblogaidd, llyfrau hunan-helpu, llyfrau ffuglen a llyfrau coginio! Mae gennym eLyfrau i blant hyd yn oed!
Gallwch fenthyg eLyfrau drwy eu lawrlwytho nhw, gan ddefnyddio eich rhif cerdyn llyfrgell a'ch PIN. (Ddim yn cyd-fynd a Kindle).
Dewiswch, benthycwch ac archebwch eich eLyfrau o wefan eLyfrau i Gymru
Gallwch lawrlwytho eLyfrau i'ch cyfrifiadur neu'ch gliniadur yna'u trosglwyddo i'ch smartffôn, eich cyfrifiadur llechen neu ambell eDdarllenydd. Gallwch fenthyg hyd at bedwar eLyfr ar un adeg, am hyd at dair wythnos. Ar ôl y cyfnod hwn, byddant yn diflannu o'ch teclyn.
I gael rhagor o wybodaeth am y gwasanaeth hwn, bwriwch olwg dros y cwestiynau cyffredin
Os nad ydych yn aelod o Lyfrgelloedd Pen-y-bont ar Ogwr, dyma sut mae ymaelodi.
Os ydych yn aelod eisoes ond hwb wybod eich PIN, cysylltwch â'ch llyfgell leol, neu e-bostiwch ni fe atebwn ni gyda'ch manylion.

Cannoedd o'r llyfrau sain mwyaf poblogaidd i ddewis o'u plith

Ar gael 24 awr y dydd, saith diwrnod yr wythnos

Yn gytûn â dyfeisiau iPod, peiriannau MP3 a chyfrifiaduron personol

Dim rhestrau aros - mae nifer ddiderfyn ar gael o bob teitl

Proses syml 'Un Clic' i lawrlwytho

Y cyfan sydd ei angen arnoch yw cyfrifiadur sydd â chyswllt band eang i'r rhyngrwyd a manylion eich aelodaeth llyfrgell

Cliciwch ar y ddolen i fynd i'r system newydd lle y gallwch sefydlu cyfrif.

I gael mwy o wybodaeth am One Click Digital siaradwch ag aelod o staff y llyfrgell y tro nesaf y byddwch yn ymweld neu ffoniwch 01656 754800.

Android app nawr ar gael o storfa GooglePlay.

Mwynhewch y gwrando!

Mynediad at wybodaeth gynhwysfawr am ddigwyddiadau cyfoes a newyddion Mae Infotrac Newsstand yn adnodd papur newydd arloesol testun llawn sy'n caniatáu i ddefnyddwyr yng Nghymru i chwilio erthyglau yn ôl teitl, pennawd, dyddiad, awdur, adran papur newydd neu feysydd eraill, gan ddileu chwilio ar hap drwy'r archifau papur newydd. Mae Infotrac Newsstand yn darparu mynediad i nifer o bapurau newydd Cymraeg a phapurau newydd eraill y DU.

Britannica Online yw'r gwyddoniadur clasurol sy'n cynnwys 123,000 o erthyglau cyfredol. Er mwyn ei chwilio y cyfan sy'n rhaid i chi ei gael yw cerdyn Llyfrgell Pen-y-bont dilys.

Mae hefyd ar gael mewn dau rifyn arbennig, Britannica Junior ar gyfer rhai rhwng 5 ac 11 oed, a Britannica Student ar gyfer rhai rhwng 12 a 18 oed. Er mwyn ei chwilio y cyfan sy'n rhaid i chi ei gael yw cerdyn Llyfrgell Pen-y-bont dilys.

Oeddech chi'n gwybod y gallwch gael mynediad i dros 3,500 o ffotograffau drwy wefan y llyfrgell? Mae'r lluniau yn adrodd hanes y Fwrdeistref ar hyd yr oesoedd ac maent yn cynnwys delweddau o dirluniau, digwyddiadau lleol, eglwysi, capeli a thafarndai. Oes gennych chi neu'ch perthnasau gofio unrhyw un o'n lluniau sylw? Allwch chi lenwi rhai manylion ar goll ac yn diweddaru ein cofnodion? Yn syml, defnyddiwch y swyddogaeth adolygu a rhoi rhywfaint o enwau i wynebau, neu ddyddiadau i ddigwyddiadau er mwyn helpu i lenwi'r darnau coll y jig-so.

Mynegeion i enedigaethau, priodasau a marwolaethau yn y Glamorgan Gazette

Mae papur newydd lleol Pen-y-bont ar Ogwr yn ffynhonnell werthfawr i bawb sy'n hel achau gan ei fod wedi darparu manylion genedigaethau, priodasau a marwolaethau yn yr ardal leol ers 1866. Mae'r gwasanaeth llyfrgelloedd yn cynnal prosiect i ddarparu'r wybodaeth hon i ymchwilwyr trwy ein gwefan ac rydym bellach yn rhyddhau ffrwyth cyntaf ein llafur. Cliciwch ar y flwyddyn berthnasol yn y tabl isod a bydd hyn yn agor dogfen PDF sy'n cynnwys y data. Dewch yn ôl dros y misoedd nesaf gan ein bod yn gobeithio ychwanegu rhagor o fynegeion at y rhestr yn rheolaidd.

Cyfeiriadur arlein syn cynnwys clybiau, cymdeithasau a mudiadau o fewn Bwrdeistref Sirol Pen-y-bont ar Ogwr yw Wefan Cobwebs (www.cobwebs.uk.net). Gallwch ddod o hyd i bob math o gymdeithas lleol, ynghyd â'i manylion cyswllt a gwybodaeth defnyddiol. Mae'n fath o gronfa ddata allwch archwilio arlein. Mae Cobwebs hefyd yn cynnig cymorth er mwyn i fudiadau nad ydynt yn gwneud elw ym Mhen-y-bont ar Ogwr allu creu tudalennau We eu hunain.

Ni chodir tâl am ddefnyddio'r llyfrgell, benthyg llyfrau na defnyddio cyfleusterau cyfrifiadurol.

Mae ymuno yn hawdd - y cwbl y mae angen ei wneud yw llenwi'r ffurflen ar-lein a gallwch ddechrau mwynhau manteision aelodaeth ar unwaith. Byddwch yn gallu trefnu i lyfrau gael eu rhoi ar gadw trwy ein catalog ar-lein a chael mynediad at ystod o gronfeydd data defnyddiol sy'n rhad ac am ddim. Wedyn gallwch gasglu eich cerdyn llyfrgell newydd yn eich llyfrgell leol - y cwbl y mae angen i chi ei wneud yw dod ag un math o dystiolaeth i ddangos pwy ydych chi (megis trwydded yrru, pasbort, llyfr rhent neu fil gan gwmni cyfleustodau). Os ydych yn iau na 16 bydd angen i chi gael llofnod rhiant neu ofalwr.

Adnewyddu a Chadw Llyfrau'r Llyfrgell

Y cwbl y mae'u hangen arnoch yw cerdyn llyfrgell dilys a rhif PIN (ar gael o unrhyw lyfrgell).

Mae llyfrgellcymru.org yn drysorfa o wybodaeth ac yn adnodd ardderchog sy'n rhad ac am ddim i bawb. Yr ateb iawn y tro cyntaf a phob troy n eich llyfrgell ar-lein.

Mae'r wefan hon yn cyflwyno gwybodaeth am waith Newsplan Cymru ac yn cynnig mynediad i gronfa ddata o bapurau newydd Cymreig sydd ar gael mewn llyfrgelloedd naill ai ar ffurf papur neu ar ficroffilm.

Llyfrgell Genedlaethol Cymru yw un o'r llyfrgelloedd gorau yn y byd. Mae'r wefan yn cynnwys catalog i gasgliadau LlGC a delweddau digidol o drysorau'r llyfrgell.

Mae whichbook.net yn rhoi cyfle i ddarllenwyr fwynhau ffordd sythweledol i ddod o hyd i lyfrau sy'n cyfateb i'w hwyliau. Yn hytrach na chwilio am nofel drosedd, gallwch chwilio am lyfr sy'n anrhagweladwy, yn rhamantus iawn neu ychydig yn drist. Neu lyfr sy'n peri her sydd hefyd yn ddoniol gyda digon o ryw. Bydd whichbook.net yn dod o hyd i deitlau newydd sy'n cyfateb i'ch dewis. Os nad yw unrhyw rai o'r llyfrau a gynigir yn mynd â'ch bryd, newidiwch eich dewisiadau a rhowch gynnig arall - 20 miliwn o wahanol gyfuniadau yn bosibl!

Llyfrgell cyfair electronig Cymru yw Ask Cymru. Mae tîm o lyfrgellwyr cyfair hyfforddedig o bob rhan o Gymru yn barod ac yn disgwyl i ateb eich cwestiynau ffeithiol, ac fe gewch ymateb o fewn 48 awr.

Mae legislation.gov.uk yn cynnwys testun llawn o Ddeddfau Llywodraeth o 1988.

Mae Adviceguide yn wefan sydd wedi ei chynhyrchu gan Gyngor ar Bopeth ac mae'n cynnwys cyfoeth o wybodaeth am eich arian, eich teulu, eich bywyd bob dydd a'ch hawliau.

Mae Iechyd yng Nghymru y porth gwe hwn yn ffordd o gael mynediad at wybodaeth ynghylch iechyd yng Nghymru.

Mae National Archives yn edrych ar ôl cofnodion cyhoeddus ac yn gwneud pob math ohonynt ar gael. Mae'n cynnwys stordy o wybodaeth ar gyfer unrhyw un sydd â diddordeb mewn hanes teulu, hanes lleol a hanes milwrol.

Ancestry.co.uk yw'r wefan hanes teuluol mwyaf poblogaidd yn y D.U. ac yn rhoi mynediad i :

• 953 miliwn o gofnodion archwiliadwy hanes teuluol y D.U.
• Y casgliad mwyaf cynhwysfawr o Gyfrifiadau ar-lein ar gyfer Lloegr, Cymru a'r Alban o 1841 i 1901;cofnodion â mynegeion llawn o Enedigaethau, Priodasau a Marwolaethau ar gyfer Lloegr a Chymru o 1837 i 2005 ; Llyfrau ffôn Prydain o1880 i 1984 ; Rhestrau Teithwyr sy'n Cyrraedd y D.U. o 1878 i 1960; cofnodion Hanesyddol Llundain o 1500au i 1900au a chofnodion eraill yn dyddio'n ôl i'r 1300au
• Y casgliad mwyaf yn y byd o siartiau achau gyda mwy na 3 biliwn o broffiliau o dros 100 o wledydd mewn 30 miliwn achau aelodau

Pwysig - I'w  ddefnyddio yn y llyfrgell yn unig.

Cronfa ddata ar-lein yw European Sources Online (ESO) sydd yn darparu mynediad at wybodaeth ar sefydliadau a gweithgareddau'r Undeb Ewropeaidd. Ceir hefyd wybodaeth am wledydd, rhanbarthau a sefydliadau rhyngwladol eraill Ewrop, yn ogystal â'r pynciau sydd o bwysigrwydd i ddinasyddion a rhanddeiliaid Ewropeaidd.

Pwysig - er mwyn cael mynediad at European Sources Online (ESO) mae'n rhaid i chi fod yn defnyddio cyfrifiadur yn un o lyfrgelloedd/Canolfannau Bywyd/Cyberlink Gwasanaeth Llyfrgell a Gwybodaeth Pen-y-bont ar Ogwr.