Cyngor Bwrdeistref Sirol Pen-y-bont ar Ogwr

English/Saesneg

Amdanom ni

Mae Cyngor Bwrdeistref Sirol Pen-y-bont ar Ogwr yn awdurdod unedol sy’n darparu ystod lawn o wasanaethau allweddol ar gyfer oddeutu 133,000 o bobl.

Mae’r Cyngor yn ymrwymedig i wneud Bwrdeistref Sirol Pen-y-bont ar Ogwr yn lle y mae pobl ifanc yn dymuno byw ynddo, gweithio ynddo ac ymweld ag ef.

A hithau wedi’i phenodi ym mis Ionawr 2007, mae’r Prif Weithredwr, Jo Farrar, am i’r Cyngor fod yn sefydliad modern a chanddo enw da am ddarparu’r gwasanaethau gorau yng Nghymru. Caiff hyn ei gyflawni trwy wella’r modd y cyflenwir gwasanaethau ar gyfer pobl leol a chael trefn well ar gyfer rheoli perfformiad.

Mae’r Cyngor wrthi’n cyflawni Rhaglen fawr o Newid ac mae ganddo Gynllun Gwella Corfforaethol sy’n nodi pum maes y rhoddir blaenoriaeth iddynt wrth wella perfformiad y Cyngor a sicrhau bod y gwasanaethau priodol yn cael eu darparu ar gyfer y bobl briodol ar yr adeg briodol.

Y saith maes y rhoddir blaenoriaeth iddynt yw:

Creu Cymunedau sy’n Dysgu

Plant Heddiw, Oedolion Yfory

Gwireddu Potensial ein Prif Drefi

Cyfoethogi Ein Cymoedd

Gofal i’r Dyfodol: Ailfodelu Gwasanaethau Gofal Cymdeithasol i Oedolion

Economi Amrywiol a Chynaliadwy

Rhoi Cymorth i’n Cymunedau Difreintiedig

Ceir mwy o wybodaeth am y saith maes y rhoddir blaenoriaeth iddynt yn y Crynodeb o’r Cynllun Gwella Corfforaethol.

Sut y mae’r Cyngor yn gweithio

Mae 54 o gynghorwyr etholedig sy’n cynrychioli trigolion y fwrdeistref sirol:

Llafur

27

Y Democratiaid Rhyddfrydol

11

Annibynnol

7

Plaid Cymru

1

Y Ceidwadwyr

6

Independent

2

Mae gan yr awdurdod weithrediaeth sydd ar ffurf Arweinydd a Chabinet a phob blwyddyn bydd y Cyngor yn ethol Arweinydd ac yn penodi aelodau ar gyfer y Cabinet.

Mae’n rhaid i’r Cabinet wneud penderfyniadau sy’n gyson â fframwaith cyllideb a fframwaith polisi’r Cyngor. Os yw’n dymuno gwneud penderfyniad nad yw’n gyson â’r fframwaith cyllideb neu’r fframwaith polisi, mae’n rhaid i hwn gael ei gyfeirio at y Cyngor cyfan sydd wedyn yn gwneud penderfyniad.

Caiff proses graffu ei chynnal mewn perthynas â phenderfyniadau a wneir gan y Cabinet.

Yn dilyn etholiadau’r Fwrdeistref Sirol ym mis Mai 2008, fe ffurfiwyd Cabinet a hwnnw’n cynnwys cynghorwyr Llafur.

Cliciwch yma i gael mwy o wybodaeth am strwythur y Cyngor a sut y mae’n gweithio

Sut y mae’r Cyngor wedi’i drefnu

Mae’r Bwrdd Rheolaeth Gorfforaethol, dan arweiniad y Prif Weithredwr, yn goruchwylio’r gwaith o redeg y Cyngor o ddydd i ddydd. Caiff oddeutu 7500 aelod o staff eu cyflogi i ddarparu gwasanaethau neu gomisiynu trefniant i ddarparu gwasanaethau yn y Fwrdeistref Sirol. Rydym hefyd yn gweithio mewn partneriaeth â chyrff eraill i ddarparu gwasanaethau.

Mae’r Cyngor wrthi’n cyflawni rhaglen foderneiddio i wella’r modd y darperir gwasanaethau lleol. Mae rhan o’r rhaglen hon wedi golygu newid strwythur y Cyngor er mwyn ei gwneud yn bosib i wasanaethau fod yn fwy ymatebol i anghenion trigolion a busnesau’r Fwrdeistref a’r rhai sy’n ymweld â’r ardal.

Mae pedair cyfarwyddiaeth – ac mae gan bob un Gyfarwyddwr ac uwch dîm rheoli bychan sy’n gyfrifol am arwain a rheoli’r broses o ddarparu gwasanaethau:

Lles

Plant

Cymunedau

Adnoddau

Mae’r strwythur hwn wedi’i fwriadu i gyflawni’r canlynol:

Adlewyrchu blaenoriaethau’r Cyngor yn well.

Gwneud y Cyngor yn fwy effeithlon o ran y modd y mae’n defnyddio adnoddau ac o ran costau rheoli.

Creu cyfleoedd gwell ar gyfer rhyngweithio mwy effeithiol rhwng gwasanaethau yn yr awdurdod a’i gilydd a rhwng y gwasanaethau hynny ac asiantaethau sy’n bartneriaid – er enghraifft trwy ddod â’r holl wasanaethau ar gyfer plant a phobl ifanc at ei gilydd mewn un gyfarwyddiaeth.