Mae Bwrdeistref Sirol Pen-y-bont ar Ogwr yn ardal o newid dynamig sydd wedi’i lleoli ar hyd coridor yr M4 ym mherfeddion economi De Cymru, gan gwmpasu’r Arfordir Treftadaeth yn y de a’r cymoedd darluniaidd yn y gogledd.

Mae gan y fwrdeistref sirol gymysgedd cryf o ddiwydiannau yn y sector gweithgynhyrchu a’r sector gwasanaethau a’r rheiny’n atgyfnerthu ein nod o weithio tuag at ddatblygu cynaliadwy ar gyfer economi leol sy’n tyfu. Mae’r ardal wedi denu buddsoddiadau allanol mawr ac mae’n parhau i fynd o nerth i nerth.

Mae cynnydd mawr wedi bod ym Mhen-y-bont ar Ogwr mewn cyflogaeth yn y sector gwasanaethau a datblygiadau swyddfeydd cysylltiedig. Priodolwyd hyn i isadeiledd gwych yr ardal, cysylltiadau da ac ansawdd y llafurlu.

Gall Bwrdeistref Sirol Pen-y-bont ar Ogwr gynnig:

• Cysylltiadau trafnidiaeth ardderchog; yr M4, porthladdoedd cyfagos, y llinell reilffordd o Lundain i Abertawe a thaith fer i Faes Awyr Rhyngwladol Caerdydd

• Economi sy’n tyfu ac yn ffynnu

• Agwedd gadarnhaol tuag at fusnesau lleol a buddsoddiadau allanol

• Rheolaeth o ansawdd a chynhyrchiant uchel

• Uned datblygu economaidd wedi’i neilltuo i’r pwrpas hwnnw

• Pecyn deniadol o fanteision ariannol

• Tir fforddiadwy, adeiladau o ansawdd a chyfraddau cystadleuol

• Hanes profedig o lwyddiant

Pen-y-bont ar Ogwr...lle mae busnes yn gweithio!