Mentrau cymdeithasol

Mae menter gymdeithasol yn fusnes y mae’i amcanion yn rhai cymdeithasol yn anad dim ac y caiff ei wargedion eu hail-fuddsoddi’n bennaf at y diben hwnnw yn y busnes neu yn y gymuned, yn hytrach na bod y busnes yn seiliedig ar yr angen i gynyddu i’r eithaf yr elw ar gyfer cyfranddalwyr a pherchenogion.
Ffynhonnell: Yr Adran Masnach a Diwydiant

Mae Cyngor Bwrdeistref Sirol Pen-y-bont ar Ogwr yn cydnabod bod gan fentrau cymdeithasol y potensial i chwarae rhan allweddol yn y gwaith o adfywio cymunedau difreintiedig Pen-y-bont ar Ogwr ac mae’n ymrwymedig i ddatblygu’r economi gymdeithasol a rhoi cymorth i fentrau cymdeithasol dyfu a ffynnu.

Mae tîm yr economi gymdeithasol ar hyn o bryd yn cynnwys dau aelod o staff llawn-amser ac un secondai rhan-amser o’r sefydliad sy’n bartner inni, Canolfan Cydweithredol Cymru. Caiff y prosiect ei reoli gan y Prif Swyddog Datblygu Economaidd – Datblygu a Gweithredu Prosiectau yn yr UDE.

Mae nifer o grwpiau cymunedol a gwirfoddol yn awyddus i ymgymryd â gweithgareddau masnachu er mwyn lleihau’u dibyniaeth ar grantiau a rhoddion. Bydd masnachu’n llwyddiannus fel busnes yn eu helpu i gyfrannu tuag at gymdeithas fwy cynhwysol a thuag at y gwaith o adfywio’u cymunedau lleol.

Rhaglen Datblygu Economaidd Cymunedol

Rhoi cymorth i ddatblygu mentrau cymdeithasol
‘Ystyr menter gymdeithasol yw busnes y mae ei amcanion yn rhai cymdeithasol yn anad dim ac y mae ei wargedion yn cael eu hail-fuddsoddi’n bennaf at y diben hwnnw yn y busnes neu yn y gymuned, yn hytrach na chael eu sbarduno gan yr angen i gynyddu elw i’r eithaf ar gyfer cyfranddalwyr a pherchenogion’ (Strategaeth Mentrau Cymdeithasol Cymru)

Mae Rhaglen Datblygu Economaidd Cymunedol (De Ddwyrain Cymru) yn gynllun grantiau hyblyg sy’n rhoi cymorth i brosiectau mentrau cymdeithasol, ac sydd ar gael ym Mhen-y-bont ar Ogwr, Blaenau Gwent, Caerffili, Merthyr Tudful, Rhondda Cynon Taf a Thorfaen.

Pwrpas y Rhaglen yw creu cymunedau cynaliadwy a ffyniannus trwy ddatblygu gweithgarwch economaidd cymunedol. Mae’r opsiynau o ran arian grant wedi’u bwriadu i ategu a datblygu cynaliadwyedd yn y trydydd sector. Mae pecyn cymorth ar gael i ddarparu gwasanaeth datblygu busnes sy’n cynnwys mentrau o ran cyngor, arweiniad, mentora, hyfforddiant a datblygu.

Pwy sy’n gymwys?
Mae’r arian grant ar gael i fudiadau cymunedol sy’n creu incwm trwy fasnachu, sydd â strwythur cyfreithiol ac amcanion cymdeithasol.

Pa gymorth sydd ar gael?
Mae cyllid Refeniw a Chyfalaf ar gael yn seiliedig ar hyd at 75% o gostau cymwys prosiectau. Gallai costau cymwys prosiectau gynnwys:

• Prynu offer, tir ac adeiladau

• Adnewyddu adeiladau

• Paratoi cynlluniau busnes, astudiaethau dichonolrwydd a strategaethau marchnata

• Costau staff

• Costau rhedeg prosiectau

Mwy o wybodaeth
I gael mwy o wybodaeth, cysylltwch â Thîm y Rhaglen Datblygu Economaidd Cymunedol yng Nghyngor Bwrdeistref Sirol Pen-y-bont ar Ogwr. Cafodd y cynllun hwn ei ariannu gan Gronfa Datblygu Rhanbarthol Ewrop trwy Lywodraeth Cymru.

Carly Mc Creesh – Swyddog yr Economi Gymdeithasol
Ffôn: 01656 815323
E-bost: carly.mccreesh@bridgend.gov.uk

Tracey Wood – Swyddog Grantiau a Chyllid yr Economi Gymdeithasol
Ffôn: 01656 815317
E-bost: tracey.wood@bridgend.gov.uk