SAVE

Disgrifiwyd SAVE fel y grwp cadwraeth mwyaf dylanwadol ers i William Morris sefydlu'r Gymdeithas dros Ddiogelu Hen Adeiladau dros ganrif yn ôl. Cr‘wyd ef yn 1975 - Blwyddyn Treftadaeth Bensaernïol Ewrop - gan garfan o ohebwyr, haneswyr, penseiri a chynllunwyr i ymgyrchu'n gyhoeddus dros adeiladau hanesyddol mewn perygl. Drwy ddatganiadau i'r wasg, adroddiadau ac arddangosfeydd, mae SAVE wedi pledio achos hen gartrefi gwledig, eglwysi a chapeli gwag, melinau a storfeydd nas defnyddir, strydoedd a chymdogaethau mallus, bythynnod a neuaddau tref, gorsafoedd trên, ysbytai, adeiladau milwrol a gwallgofdai.

O'r cychwyn, mae SAVE wedi pwysleisio cadw ac ailddefnyddio adeiladau ac ardaloedd hanesyddol. Mewn sawl achos, mae SAVE wedi paratoi defnydd ei hun ar gyfer adeiladau mewn perygl. Ers 1988, mae wedi cydosod cofrestr o adeiladau mewn perygl sy'n wag. Ceisia nodi perchnogion a/neu ddefnyddiau newydd a fydd yn sicrhau dyfodol yr adeiladau. Mae SAVE yn gweithio ar y materion ehangach o bolisi cadwraeth hefyd.

Gallwch gefnogi gwaith SAVE drwy ddod yn gyfaill a gwneud cyfraniad ariannol uniongyrchol i'n gwaith - awgrymwn fod cyfeillion yn cyfrannu lleiafswm o £15 y flwyddyn. Mae hyn yn rhoi gostyngiad i chi o 20% ar gyhoeddiadau a Friend's Newsletter ddwywaith y flwyddyn.

Sefydliad Cadwraeth Adeiladau Hanesyddol

Y Sefydliad Cadwraeth Adeiladau Hanesyddol yw'r prif gorff sy'n cynrychioli unigolion proffesiynol ac arbenigwyr sy'n rhan o gadw adeiladau hanesyddol a'u hamgylchedd ledled y DU ac Iwerddon. Mae ein haelodau'n cynnwys swyddogion cadwraeth mewn llywodraeth leol a chanolog, penseiri, archwilwyr, peirianwyr strwythurol ac ymgynghorwyr, cadwraethwyr, crefftwyr ac ymarferwyr arbenigol eraill.

Gwaith y Sefydliad

Mae gweithgareddau allweddol y sefydliad fel a ganlyn:
• Gosod safonau ar gyfer arfer cadwraeth ledled y DU ac Iwerddon a gwella addysg a hyfforddiant cadwraeth
• Lobïo'n weithredol am newidiadau mewn polisi ac arfer cadwraeth a gweithredu fel corff yr ymgynghorir ag ef ar faterion cadwraeth i lywodraeth ganolog a lleol yn y DU ac Iwerddon
• Codi proffil cadwraeth a hybu ei rôl mewn adfywiad economaidd a chymdeithasol
• Cefnogi rhagoriaeth ym mhob agwedd o gadwraeth, boed wrth nodi, dadansoddi, trwsio ac ailddefnyddio adeiladau hanesyddol neu wrth gynllunio lleoliadau hanesyddol o'r newydd
• Annog trafodaeth ar sut ddylai rôl cadwraeth ddatblygu
• Trefnu ei ddigwyddiadau hyfforddiant ei hun a datblygu canghennau ymhellach yn y DU ac Iwerddon i annog cyfnewid gwybodaeth rhwng ymarferwyr ar lefel leol.