Parc Cenedlaethol Bannau Brycheiniog

Mae Parc Cenedlaethol Bannau Brycheiniog yn un o 11 parc cenedlaethol yng Nghymru a Lloegr. Maent oll yn awdurdodau lleol â phwrpas penodol, sef:
• warchod tirluniau a bywyd gwyllt
• hybu mwynhad y cyhoedd
• deall a chefnogi cymunedau lleol

Mae Awdurdod Parc Cenedlaethol Bannau Brycheiniog yn cynnwys 24 aelod a gefnogir gan staff o 1000, yn ogystal â charfan brysur o wirfoddolwyr. Gall ddarparu cyngor a pheth cymorth grant i helpu grwpiau cymunedol ac unigolion ym meysydd:
• Bioamrywiaeth
• Datblygiad cynaliadwy
• Gwella mynediad

Mae tîm datblygiad cymunedol bach yr Awdurdod yn cysylltu â'r 50 cyngor cymunedol yn y Parc ac ag ystod eang o grwpiau cymunedol.

Mae'r Awdurdod yn:
• cynnal sawl canolfan ymwelwyr
• darparu ystod eang o gyhoeddiadau
• cynnal rhaglen gynhwysfawr o deithiau cerdded tywysedig

Mae Cynllun Rheoli'r Parc Cenedlaethol a'r Cynllun Gweithredu Bioamrywiaeth Lleol yn gosod allan polisïau allweddol y gallwch eu gweld ar wefan y Parc Cenedlaethol. Mae polisïau cynllunio ar gael drwy'r Cynllun Lleol ac mae'r Awdurdod yn paratoi Cynllun Datblygu Unedol ar hyn o bryd.

Parc Gwledig Bryngarw

Lleolir Parc Gwledig Bryngarw bum milltir i'r gogledd o Ben-y-bont ar Ogwr, ar waelod Cwm Garw. Yn ei 113 erw, mae'r parc yn orlawn o amrywiaeth eang o dirweddau a chynefinoedd, yn cynnwys gerddi ffurfiol, dolydd ysgafn, coetiroedd cymysg a choridorau afon. Mae'r cyfleusterau'n cynnwys toiledau, caffi, canolfan ymwelwyr a lle i blant chwarae. Dan berchnogaeth Cyngor Bwrdeistref Sirol Pen-y-bont ar Ogwr, mae'r parc yn croesawu mwy na 75,000 ymwelydd bob blwyddyn ac yn darparu lleoliad ar gyfer sawl digwyddiad teuluol yn ystod yr haf. Mae gan Bryngarw ei wasanaeth ceidwaid llawn amser ei hun sy'n cynnal a chadw'r parc, yn gwneud gwaith cadwraeth ac yn rhedeg rhaglen addysg amgylcheddol i ysgolion. Mae'r parc ar agor bob dydd (ac eithrio Dydd Nadolig a Gwyl San Steffan) 10am - 5pm Hydref i Fawrth a 10am - 6pm Ebrill i Fedi. Codir tâl am barcio car ar y penwythnos ac yn ystod gwyliau ysgol yn yr haf.
Am fwy o wybodaeth neu fanylion am ddigwyddiadau, cysylltwch â'r gwasanaeth wardeiniaid ar 01656 725155.

Partneriaeth Bioamrywiaeth Pen-y-bont ar Ogwr

Cychwynnwyd Partneriaeth Bioamrywiaeth Pen-y-bont ym mis Awst 1998 ac mae'n cynnwys ystod o gyrff cadwraeth sy'n casglu data bywyd gwyllt ar gyfer ardal Bwrdeistref Sirol Pen-y-bont ar Ogwr. Mae'r Bartneriaeth yn cael ei harwain gan bartneriaid allweddol sy'n gyfrifol am weithredu'r Strategaeth Cefn Gwlad a Rhaglen Weithredu Integredig Bwrdeistref Sirol Pen-y-bont ar Ogwr.

Cefnogir gwaith y Bartneriaeth gan Grwp Ymgynghorol Bioamrywiaeth Morgannwg, fforwm a sefydlwyd ym mis Gorffennaf 1997, ei gyfrifoldeb yw datblygu nodau bioamrywiaeth a thargedau gweithredu ar gyfer hen ardal Sir Morgannwg (y cyfeirir ati fel Is-Sir Watson 41 yn aml). Gwelwyd yr 'ymagwedd strategol' hon fel rhywbeth call a hanfodol, o ystyried adnoddau cyfyng yr 8 awdurdod lleol sy'n cwmpasu Morgannwg a chyrff statudol ac anstatudol yr hen sir. Mae'r ymagwedd yn gyson â Cyfarwyddyd Cynllunio (Cymru): Polisi Cynllunio sy'n pwysleisio nad yw materion gwarchod tirlun a natur yn cael eu cyfyngu gan ffiniau gweinyddol ac y dylid ymdrin â nhw'n strategol a'u trafod gyda'r awdurdodau cynllunio cyfagos.

Nod y Bartneriaeth yw cynnal cyfanrwydd corfforol a biolegol adnodd bioamrywiaeth Bwrdeistref Sirol Pen-y-bont ar Ogwr mewn cyflwr sy'n gallu cefnogi ei hystod nodweddiadol o gynefinoedd a rhywogaethau, gwella ei gallu i cefnogi'r cynefinoedd a'r rhywogaethau hyn drwy reolaeth ac annog pobl i fwynhau bioamrywiaeth er mwyn i genedlaeth heddiw ac yfory gael budd o'i fanteision economaidd ac ansawdd amgylcheddol.

Mae'r Bartneriaeth yn cynnwys:

PARTNERIAETH BIOAMRYWIAETH PEN-Y-BONT AR OGWR

Cymdeithas Fotanegol Prydain
Cadwraeth Glöynnod Byw
Cyngor Cefn Gwlad Cymru
Cymdeithas Fotanegol Prydain
(Cylchgrawn Dwyrain Morgannwg)
Clwb Adar Morgannwg
Grwp Cofnodi Gwyfynod Morgannwg
Ymddiriedolaeth Bywyd Gwyllt Morgannwg
Ymddiriedolaeth Frenhinol Adareg

Mae'r cyrff a roddir mewn lliw tywyll yn aelodau o Grwp Llywio Partneriaeth Bioamrywiaeth Pen-y-bont ar Ogwr; mae'r cyrff eraill yn grwpiau o bartneriaid allweddol sy'n ymwneud â'r Strategaeth Cefn Gwlad a Rhaglen Weithredu Integredig Bwrdeistref Sirol Pen-y-bont ar Ogwr.