Gerddi Sy Briste

Mae Gerddi Sy Briste dan berchnogaeth a rheolaeth Bristol, Clifton & West of England Zoological Society. Mae'r gymdeithas yn elusen gofrestredig.

Datganiad cennad:
Cynnal ac amddiffyn bioamrywiaeth drwy fridio rhywogaethau mewn perygl, gwarchod rhywogaethau a chynefinoedd dan fygythiad a hybu dealltwriaeth ehangach o'r byd naturiol. Cyflawnir hyn drwy:

• gymryd rhan mewn rhaglenni bridio a chadwraeth ar gyfer bywyd gwyllt egsotig a chynhenid
• addysg mewn ysgolion ac i ymwelwyr
• astudio'r anifeiliaid yn ein gofal
• cysylltu ein rhaglenni â phrosiectau cadwraeth bywyd gwyllt, yn y DU a thramor

Gellir cefnogi prosiectau cadwraeth bywyd gwyllt lleol yn uniongyrchol drwy grantiau gan y Gymdeithas.
Cefnogwyd y canlynol yn y gorffennol:
• Ymddiriedolaeth Bywyd Gwyllt Avon
• Ymddiriedolaeth Hebogiaid a Thylluanod
• Prosiect Bywyd Gwyllt Avon Gorge a'r Downs

Ar hyn o bryd, cefnogir 40 prosiect bywyd gwyllt lleol drwy Wobrau Cadwraeth Gerddi Sy Briste. Rydym hefyd yn cefnogi gwarchod rhywogaethau drwy fridio i ailgyflwyno. Mae'r rhywogaethau sy'n manteisio o hyn yn cynnwys y gwyfyn Barberry Carpet, y gwyfyn Reddish Buff a'r llygoden ddyr.

Greenpeace

Mae Greenpeace yn gorff annibynnol sy'n ymgyrchu i ddod i ben â chamriniaethau i'r byd naturiol ac sy'n hybu atebion amgylcheddol drwy lobïo gwleidyddion a gweithredu uniongyrchol nad yw'n dreisiol. Rydym yn gorff byd-eang â 2.9 miliwn o gefnogwyr mewn 158 o wledydd ledled y byd.

Ymgyrchoedd presennol Greenpeace:
• Rhoi stop ar archwilio a datblygu olew newydd a hybu potensial ynni adnewyddadwy fel gwynt, dya'r haul
• Gwahardd cnydau/bwyd a newidiwyd yn enetig a hybu amaethyddiaeth gynaliadwy
• Tynnu cemegau peryglus o'n hamgylchedd
• Cael gwared ar orsafoedd ynni niwcliar a rhoi stop ar ailbrosesu gwastraff niwcliar
• Gorffen hela masnachol morfilod
• Diogelu fforest law'r Amazon

Groundwork

Mae Groundwork Pen-y-bont ar Ogwr a Chastell Nedd Port Talbot yn gwmni elusennol yn gweithio ar hyd dwy fwrdeistref sirol i gyflawni adfywiad cynaliadwy. Mae gan yr ymddiriedolaeth bedair uned fusnes, Adfywio Cymunedol, Ynni ac Atebion Amgylcheddol, Twristiaeth Werdd a'r Farchnad Lafur Ganolig, sy'n creu buddion cymdeithasol, economaidd ac amgylcheddol i bobl leol. Cynigiwn amrywiaeth o wasanaethau, gan gynnwys annog cymunedau i gymryd rhan, codi arian, ymgynghoriaeth amgylcheddol, gwasanaethau tirlunio a chyngor busnes amgylcheddol.

Adfywio Cymunedol
Cynigia Canolfan BYWYD Betws gyfle i bobl leol o bob oed ddysgu a gwella sgiliau cyfrifiadurol a gwella eu lles corfforol a meddyliol drwy gymryd rhan mewn ystod o brosiectau amgylcheddol. Cynigia gymorth ymarferol i grwpiau lleol sy'n gwneud prosiectau ymarferol, addysg amgylcheddol a chyfleoedd celfyddyd a rhaglen ieuenctid arbennig.

Ynni ac Atebion Amgylcheddol
Cyngor ymarferol am ynni ac atebion ynni adnewyddadwy ochr yn ochr â chyngor amgylcheddol i fusnesau bach. Mae gwasanaethau'n cynnwys Cymdeithas Fusnes Pen-y-bont ar Ogwr, cyngor ar ddeddfwriaeth amgylcheddol, dechrau busnes, cadwyni cyflenwi a systemau rheoli, gan gynnwys Green Dragon ac ISO14001.

Twristiaeth Werdd
Datblygu twristiaeth gynaliadwy drwy amrywiaeth o weithgareddau hamdden, gan gynnwys llwybrau cerdded, beicio a marchogaeth diogel sy'n cysylltu â'r Llwybr Celtaidd, gwella mynediad ar hawyliau tramwy cyhoeddus, llwybrau ceffyl a llwybrau eraill i ffwrdd o'r ffyrdd ac adfywio safleoedd treftadaeth a mannau eraill o ddiddordeb a phwysigrwydd lleol.

Marchnad Lafur Ganolig
Cyflogaeth tymor penodol i bobl hirdymor ddiwaith i adeiladu hyder a darparu profiad priodol i'w helpu i ddarganfod gwaith. Mae'r rhai dan hyfforddiant yn cael cefnogaeth a chyfarwyddyd, cyfle i hyfforddi a chyngor gyrfa ac amrywiaeth o brofiad gwaith ymarferol.

Grwp Cofnodi Gwyfynod Morgannwg

Ffurfiwyd Grwp Cofnodi Gwyfynod Morgannwg yn 1995 mewn ymateb i'r nifer gynyddol o naturiaethwyr sydd â diddordeb mewn cofnodi gwyfynod yn Ne Cymru. O fewn pum mlynedd, roedd gan y grwp 50 aelod ac roeddent wedi cyhoeddi atlas dros dro o facro-wyfynod Morgannwg.

Cynhaliwn gyfres o gyfarfodydd maes yn ystod yr haf sy'n boblogaidd iawn fel arfer ac anelwn at gynhyrchu o leiaf 9 newyddlen yn ystod y flwyddyn. Fel grwp, mae gennym bolisi o gofnodi drwy ddulliau nad ydynt yn lladd.

Ar hyn o bryd, mae gennym fwy nag 80 aelod ac rydym yn gweithio tuag at gyhoeddiad cynhwysfawr o lepidoptera Morgannwg y gobeithiwn ei gyhoeddi yn y pedair blynedd nesaf. Er mwyn sicrhau bod gwaith yr atlas mor gynhwysfawr â phosibl, rydym wedi gorfodi'r amod y bydd gan pob un o'r sgwariau 10 cilometr yn yr is-sir gofnodion ar gyfer y 100 rhywogaeth a gofnodir amlaf. Bydd yr atlas yn darparu'r rhestr lepidoptera Morgannwg gyntaf gyflawn i'w chyhoeddi ers mwy na 50 mlynedd a bydd yn gyfrif diweddaredig o rywogaethau gwyfynod y sir.

Os dymunwch ddod yn aelod neu os credwch fod gennych gofnodion o is-sir Morgannwg (VC41) neu os oes gennych unrhyw ymholiadau eraill, cysylltwch â ni.

Gwarchodfa Natur Genedlaethol Cynffig

Mae Gwarchodfa Natur Genedlaethol Cynffig yn system twyni ôl-lan calchaidd 66 hectar ar lannau deheuol a dwyreiniol Bae Abertawe. Mae'r warchodfa'n cefnogi cyfoeth eithriadol o gynefinoedd a rhywogaethau ac, yn ychwanegol at fod yn safle o ddiddordeb gwyddonol arbennig (1954) ac yn warchodfa natur genedlaethol (1989), mae'n ymgeisydd ar gyfer Ardal Gadwraeth Arbennig dan Gyfarwyddyd Cynefinoedd a Rhywogaethau'r UE.

Mae'r warchodfa'n enwog mewn cyd-destun Ewropeaidd oherwydd ei hardaloedd eang o dwyni glaswelltog llawn rhywogaethau a chynefinoedd. Mae Pwll Cynffig yn enghraifft brin o lyn meso-oligotroffig caled a blodau dyfnforol fel Charophytes. Rhestrir dwy rywogaeth dan Atodiad II y Cyfarwyddyd Cynefinoedd, Liparis loeselii a Petalophyllum ralfsii.

Ymddiriedolaeth Gorfforaethol Cynffig sydd berchen y safle ac fe'i rheolir gan Gyngor Bwrdeistref Sirol Pen-y-bont ar Ogwr mewn ymgynghoriad â Chyngor Cefn Gwlad Cymru. Mae'r lesddeiliaid eraill yn cynnwys Cymdeithas Pysgotwyr Mynydd Cynffig a'r Cylch a Chymdeithas Cynffig (archeolegwyr). Mae'r warchodfa'n un o'r ychydig warchodfeydd natur cenedlaethol dan reolaeth awdurdod lleol.

Rheolir y cynefin drwy ganiatáu defaid i bori a thractorau i dorri mewn mannau penodol. Mae poblogaethau o gwningod yn helpu i gadw'r tyfiant yn fyr mewn rhai mannau. Mae symudedd naturiol y twyni wedi dirywio ac mae gan y safle lai na 2% o dywod noeth. Mae cynnal cynefinoedd olynol cynnar yn nod rheoli o bwys erbyn hyn.

Gwarchod Glöynnod Byw

Gwarchod Glöynnod Byw yw'r elusen Brydeinig sy'n gweithredu i achub glöynnod byw, gwyfynod a'u cynefinoedd. Drwy weithio gydag ystod o bartneriaid, mae'r corff yn gweithredu drwy:

• gynghori perchnogion a rheolwyr tir ar sut i warchod ac adfer cynefinoedd pwysig
• prynu a rheoli tir ar gyfer glöynnod byw, gwyfynod a bywyd gwyllt arall dan fygythiad
• gwneud arolygon, monitro ac ymchwil hanfodol arall
• lobïoÕr llywodraeth a'i hasiantaethau i ddylanwadu ar bolisi defnydd tir

Yng Nghymru, mae tri o'n prosiectau'n cwmpasu Pen-y-bont ar Ogwr:

Glöynnod Dan Fygythiad
Byddwn yn canolbwyntio ar arolygu a rhoi cyngor cadwraeth am y glöynnod mwyaf bregus yng Nghymru, yn enwedig brith y gors a'r brith brown.

Gwyfynod
Dros y ddwy flynedd nesaf, mae'r elusen yn ceisio cael gwell dealltwriaeth o ddosbarthiad chwe gwyfyn allweddol: Orange Upperwing, Narrow-bordered Bee Hawk-moth, Buttoned Snout, Double Line, Waved Carpet a'r Argent and Sable.

Coetiroedd Menter Coedwigoedd
Rydym yn parhau â'n harolygon coetiroedd er mwyn nodi pa goetiroedd sy'n bwysig ar gyfer glöynnod byw a gwyfynod a dilyn cyngor ar reoli cynefinoedd.

Mae angen mwy o wirfoddolwyr arnom i helpu gyda'r arolygon hyn. Gall yr elusen ddarparu cyngor, cyfarwyddyd, cyfarpar a threuliau.