Froglife

Mae Froglife yn ymddiriedolaeth elusennol yn ymwneud â gwarchod a hybu amffibiaid ac ymlusgiaid brodorol. Sefydlwyd ni yn 1989 a gweithiwn i warchod rhai o'n rhywogaethau sydd wedi eu hesgeuluso fwyaf - brogaod, llyffantod, madfallod dwr, madfallod a nadredd.

Mae Froglife yn gorff bach a gynhelir gan wirfoddolwyr a staff hanfodol, â chostau isel iawn, sy'n gadael digon o arian ar gyfer y gwaith cadwraeth. Mae Froglife yn rhedeg gwasanaeth ymholi cynhwysfawr sy'n gwasanaethu miloedd o geisiadau am wybodaeth bob blwyddyn. Ynghyd â darparu cyngor ar lafar, anfonwn daflenni ffeithiau am bris isel neu am ddim a rhoddwn gefnogaeth dechnegol i wirfoddolwyr sy'n helpu i warchod cynefinoedd a rhywogaethau.

Mae Cydlynydd Cadw'r Fadfall Ddwr Fawr Gribog Froglife yn gweithio i gyflawni'r camau gweithredu yng nghynllun gweithredu madfallod dwr mawr cribog y DU drwy ddarparu gwybodaeth a chyngor am arolygon, rheoli cynefinoedd, cymorth grant, deddfwriaeth a pholisïau.