Amgueddfa a Chymdeithas Hanesyddol Porthcawl

Sefydlwyd Amgueddfa Porthcawl yn 1972 a lleolwyd hi mewn adeilad rhestredig Gradd 2 - yr hen orsaf heddlu ar John Street. Nod yr amgueddfa yw cael, cadw a dehongli arteffactau a gwybodaeth gysylltiedig sy'n ymwneud â hanes y dref a'i phentrefi cyfagos, sef Newton a Nottage. Mae'n gysylltiedig â Chyngor Amgueddfeydd Cymru a Chomisiwn Amgueddfeydd ac Orielau'r DU.

Asiantaeth yr Amgylchedd

Prif rôl yr Asiantaeth yw rheoleiddio ond mae gennym ddyletswyddau i fonitro, rheoli a deall yr amgylchedd a'r prosesau sy'n effeithio arno. Fodd bynnag, nid yw hyn yn derfynol ac mae gan gyrff eraill, megis awdurdodau lleol a Chyngor Cefn Gwlad Cymru ddyletswyddau sy'n cwmpasu rhai o'r meysydd hyn.

• e.e. nid ydym yn uniongyrchol gyfrifol am ansawdd awyr o draffig y ffordd, sbwriel, niwsans na materion iechyd amgylcheddol eraill. Mae gan awdurdodau lleol gyfrifoldebau penodol hefyd am dir llygredig.
• Mae CCGC yn gyfrifol am gadw ein treftadaeth naturiol, gwella tirluniau ac annog mynediad i gefn gwlad.

Cynhyrcha'r Asiantaeth gynlluniau ac arolygir y cynlluniau gweithredu sy'n rhan ohonynt yn flynyddol. Mae'r dogfennau hyn yn annog cymunedau lleol i fod yn rhan o faterion amgylcheddol a'r Asiantaeth i feithrin partneriaethau a fydd yn galluogi darparu camau gweithredu. Bydd copïau o'r dogfennau hyn ar ein gwefan, ynghyd â gwybodaeth am agweddau eraill o waith yr Asiantaeth, gan gynnwys adnoddau addysgol a manylion cyhoeddiadau. Dylid cyfeirio ymholiadau lleol at y cyswllt cwsmeriaid ar linell ymholiadau cyffredinol yr Asiantaeth. Anogwn a gweithiwn mewn partneriaethau i ddarparu gwelliannau amgylcheddol ond nid ydym yn rhoi grantiau.